Sunan Al Daraqutni: Hadith 1447

1447 ۔ حضرت معاذ بن جبل (رض) بیان کرتے ہیں : غزوہ تبوک کے موقع پر نبی کریم (صلی اللہ علیہ وآلہ وسلم) کا یہ معمول تھا (سفر کے دوران پڑاؤ سے) جب نبی کریم (صلی اللہ علیہ وآلہ وسلم) سورج ڈھلنے سے پہلے روانہ ہوتے تو آپ (صلی اللہ علیہ وآلہ وسلم) ظہر کی نماز کو موخر کردیتے یہاں تک کہ عصر کے وقت میں ان دونوں نمازوں کو ایک ساتھ ادا کرتے تھے ، اور جب آپ سورج کے ڈھل جانے کے بعد روانہ ہوتے تو آپ ظہر اور عصر کی نماز ایک ساتھ ادا کرتے تھے پھر روانہ ہوتے تھے اسی طرح جب آپ مغرب سے پہلے روانہ ہوتے تو آپ (صلی اللہ علیہ وآلہ وسلم) مغرب کی نماز کو موخر کردیتے تھے ، یہاں تک کہ اسے عشاء کی نماز کے ساتھ ادا کرتے تھے ، اور جب آپ (صلی اللہ علیہ وآلہ وسلم) سورج غروب ہونے کے بعد روانہ ہوتے تو پھر آپ عشاء کی نماز جلدی ادا کرتے اور اسے مغرب کے ساتھ ادا کرلیتے تھے ۔
امام ابوداؤد نے یہ بات بیان کی ہے : اس روایت کو صرف قتادہ نامی راوی نے نقل کیا ہے۔