Sunan Al Daraqutni: Hadith 1734

1734 حضرت ابوہریرہ (رض) بیان کرتے ہیں نبی اکرم (صلی اللہ علیہ وآلہ وسلم) کی خدمت میں ایک شخص کو لایا گیا جس کے دونوں ہاتھوں اور دونوں پاؤں پر مہندی لگی ہوئی تھی ‘ نبی اکرم (صلی اللہ علیہ وآلہ وسلم) نے دریافت کیا اس کا کیا معاملہ ہے ؟ لوگوں نے عرض کی یارسول اللہ ! یہ عورتوں کے ساتھ مشابہت اختیار کرتا ہے ‘ تو اس کے بارے میں یہ حکم دیا گیا کہ اسے مدینہ منورہ سے نکال کر نقیع نامی جگہ پر بھیج دیا جائے ‘ عرض کی گئی یارسول اللہ ! کیا ہم اسے قتل نہ کردیں ؟ نبی اکرم (صلی اللہ علیہ وآلہ وسلم) نے ارشاد فرمایا مجھے نمازیوں کو قتل کرنے سے منع کیا گیا ہے۔
ایک روایت میں یہ الفاظ ہیں ایک ہیجڑے کو لایا گیا جس نے اپنے دونوں ہاتھوں اور دونوں پاؤں میں مہندی لگائی ہوئی تھی۔