Sunan Al Daraqutni: Hadith 1736

1736 حضرت ابودرداء (رض) بیان کرتے ہیں چارخصوصیات ہیں جو میں نے نبی اکرم (صلی اللہ علیہ وآلہ وسلم) کی زبانی سنی تھی ‘ لیکن میں نے تمہارے سامنے ان کے بارے میں بیان نہیں کیا ‘ آج میں تمہیں ان کے بارے میں بتاؤں گا ‘ میں نے نبی اکرم (صلی اللہ علیہ وآلہ وسلم) کو یہ ارشاد فرماتے ہوئے سنا ہے
میرے اہل قبلہ میں سے کسی ایک کے گناہ کی وجہ سے تکفیرنہ کرو ‘ اگرچہ وہ کبیرہ گناہ کا ارتکاب کرتے ہوں اور ہر امام کی اقتداء میں نماز ادا کرلو اور ہرامیر کے ساتھ جہاد کرو۔ (راوی کو شک ہے ‘ شاید یہ الفاظ ہیں ) قتال کرو اور چوتھی بات یہ ہے ابوبکرصدیق ‘ عمر ‘ عثمان اور علی کے بارے میں صرف اچھی بات بیان کرو اور یہ کہو
” یہ امت گزرچکی ہے اس نے جو اچھا عمل کیا اس کا اجر انھیں مل جائے گا اور تم جو اچھائیاں کرو گے اس کا اجر تمہیں ملے گا۔