Sunan Al Daraqutni: Hadith 1747

1747 حضرت عبداللہ بن عباس (رض) بیان کرتے ہیں نبی اکرم (صلی اللہ علیہ وآلہ وسلم) کھڑے ہوئے ‘ لوگ آپ (صلی اللہ علیہ وآلہ وسلم) کی اقتداء میں کھڑے ہوئے ‘ نبی اکرم (صلی اللہ علیہ وآلہ وسلم) نے تکبیر کہی تو لوگوں نے بھی تکبیر کہی ‘ نبی اکرم (صلی اللہ علیہ وآلہ وسلم) رکوع میں گئے تو آپ (صلی اللہ علیہ وآلہ وسلم) کے ساتھ ان میں سے کچھ لوگ رکوع میں چلے گئے ‘ پھر نبی اکرم (صلی اللہ علیہ وآلہ وسلم) سجدے میں گئے تو وہ لوگ بھی سجدے میں گئے ‘ پھر نبی اکرم (صلی اللہ علیہ وآلہ وسلم) دوسرے رکعت کے لیے کھڑے ہوئے تو وہ لوگ پیچھے ہٹ گئے ‘ جنہوں نے آپ کے ہمراہ سجدہ کیا تھا اور وہ اپنے بھائیوں کی حفاظت کرنے لگے ‘ پھر دوسرا گروہ آیا اور انھوں نے نبی اکرم (صلی اللہ علیہ وآلہ وسلم) کے ہمراہ ایک رکعت ادا کی ‘ سب لوگ نماز میں تکبیرکہہ رہے تھے ‘ لیکن اس کے ساتھ وہ ایک دوسرے کی حفاظت بھی کررہے تھے۔