Sunan Al Daraqutni: Hadith 1750

1750 حضرت عبداللہ بن عباس (رض) بیان کرتے ہیں نبی اکرم (صلی اللہ علیہ وآلہ وسلم) نے ہمیں نماز خوف ادا کرنے کا حکم دیا ‘ نبی اکرم (صلی اللہ علیہ وآلہ وسلم) کھڑے ہوئے ‘ ہم آپ (صلی اللہ علیہ وآلہ وسلم) کی اقتداء میں دوصفوں میں کھڑے ہوئے ‘ نبی اکرم (صلی اللہ علیہ وآلہ وسلم) نے تکبیر کہی اور رکوع میں گئے ‘ ہم بھی سب لوگ دونوں صفیں رکوع میں چلے گئے ‘ پھر نبی اکرم (صلی اللہ علیہ وآلہ وسلم) نے اپنا سر مبارک اٹھایا اور سجدے میں چلے گئے ‘ تو وہ صف سجدے میں چلے گئی جو نبی اکرم (صلی اللہ علیہ وآلہ وسلم) کے قریب تھی اور دوسرے لوگ اپنی جگہ پر کھڑے رہے اور اپنے بھائیوں کی حفاظت کرتے رہے ‘ جب نبی اکرم (صلی اللہ علیہ وآلہ وسلم) سجدے سے فارغ ہوئے تو پیچھے والی صف سجدے میں گئی ‘ انھوں نے دوسجدے کیے ‘ پھر یہ لوگ کھڑے ہوگئے ‘ پھر وہ صف پیچھے ہٹ گئی جو نبی اکرم (صلی اللہ علیہ وآلہ وسلم) کے پاس تھی اور پیچھے والی صف آگے آگئی ‘ نبی اکرم (صلی اللہ علیہ وآلہ وسلم) رکوع میں گئے تو یہ سب لوگ بھی رکوع میں گئے ‘ نبی اکرم (صلی اللہ علیہ وآلہ وسلم) سجدے میں گئے تو جو نبی اکرم (صلی اللہ علیہ وآلہ وسلم) کے قریب صف تھی ‘ وہ لوگ سجدے میں چلے گئے اور دوسرے لوگ کھڑے ہوئے ‘ اپنے بھائیوں کی حفاظت کرتے رہے ‘ پھر جب نبی اکرم (صلی اللہ علیہ وآلہ وسلم) بیٹھ گئے تو پیچھے والی صف سجدے میں چلی گئی ‘ ان لوگوں نے سجدہ کیا ‘ پھر نبی اکرم (صلی اللہ علیہ وآلہ وسلم) نے سلام پھیردیا۔