Sunan Al Daraqutni: Hadith 1760

1760 حضرت عبداللہ (رض) بیان کرتے ہیں نبی اکرم (صلی اللہ علیہ وآلہ وسلم) نے ہمیں نماز خوف پڑھائی۔ لوگوں نے دوصفیں بنالیں۔ ایک صف نبی اکرم (صلی اللہ علیہ وآلہ وسلم) کی اقتداء میں کھڑی ہوگئی اور دوسری دشمن کے مقابلے میں کھڑی ہوگئی۔ نبی اکرم (صلی اللہ علیہ وآلہ وسلم) نے ان لوگوں کو ایک رکعت پڑھائی ‘ پھر دوسرے لوگ ان کی جگہ آکرکھڑے ہوگئے اور یہ لوگ دشمن کے مقابلے میں چلے گئے۔ نبی اکرم (صلی اللہ علیہ وآلہ وسلم) نے انھیں ایک رکعت پڑھائی اور پھر سلام پھیردیا۔ پھر یہ لوگ کھڑے ہوئے اور انھوں نے اپنی نماز مکمل کرکے سلام پھیرا۔ پھر یہ لوگ گئے اور پہلے والے لوگوں کی جگہ دشمن کے مقابلے میں کھڑے ہوگئے۔ پہلے والے لوگ اس جگہ واپس آئے انھوں نے ایک رکعت خود ادا کی اور سلام پھیرلیا۔