Sunan Al Daraqutni: Hadith 1819

1819 حضرت انس (رض) بیان کرتے ہیں ایک شخص مسجد (نبوی) کی صفائی کیا کرتا تھا ‘ اس کا انتقال ہوگیا اور اسے رات میں د فن کردیا گیا ‘ جب نبی اکرم (صلی اللہ علیہ وآلہ وسلم) کو اس بارے میں بتایا گیا تو آپ (صلی اللہ علیہ وآلہ وسلم) نے فرمایا اس کی قبر کی طرف چلو ! پھر نبی اکرم (صلی اللہ علیہ وآلہ وسلم) اور آپ کے ساتھ دوسرے لوگ اس شخص کی قبرپر تشریف لے گئے ‘ نبی اکرم (صلی اللہ علیہ وآلہ وسلم) نے ارشاد فرمایا یہ قبریں اپنے اہل (یعنی مردوں) کے لیے تاریکی سے بھرپورہوتی ہیں اور اللہ تعالیٰ میرے ان لوگوں کی نماز جنازہ ادا کرنے کی وجہ سے ان کی قبروں کو ان کے لیے روشن کردیتا ہے ‘ پھر نبی اکرم (صلی اللہ علیہ وآلہ وسلم) اس شخص کی قبرپر تشریف لائے اور آپ (صلی اللہ علیہ وآلہ وسلم) نے اس کی نماز جنازہ ادا کی۔
روایت کے یہ الفاظ علی بن مسلم نامی راوی کے ہیں۔