Sunan Al Daraqutni: Hadith 1833

1833 عاصم بن ضمرہ بیان کرتے ہیں ہم نے حضرت علی (رض) سے کہا آپ ہمیں نبی اکرم (صلی اللہ علیہ وآلہ وسلم) کے نوافل کے بارے میں کوئی حدیث سنائیں ‘ تو انھوں نے فرمایا ان کی طاقت کون رکھ سکتا ہے ‘ راوی کہتے ہیں ہم نے عرض کی کہ آپ ہمیں اس بارے میں بتائیں جہاں تک ہماری طاقت ہوگی ہم اتنے ادا کرلیا کریں گے ‘ تو حضرت علی (رض) نے بتایا نبی اکرم (صلی اللہ علیہ وآلہ وسلم) (نماز ادا کرلینے کے بعد) انتظار کرتے یہاں تک کہ سورج بلند ہوجاتا۔ اور مشرق کی سمت میں اتنا بلند ہوجاتاجتنا عصر کے (مغرب کی سمت میں بلند ہوتا ہے) ۔ پھر نبی اکرم (صلی اللہ علیہ وآلہ وسلم) دو رکعت ادا کرتے ‘ آپ ان کے درمیان فصل کرتے ہوئے فرشتوں ‘ انبیاء کرام اور ان کے پیروکار مومنین اور مسلمانوں پر سلام بھیجتے پھر اس کے بعد آپ انتظار کرتے رہتے یہاں تک چاشت کے وقت وہ اتنابلند ہوجاتا کہ جتنی ظہر کے وقت میں مشرق کی سمت اس کی مقدار ہوتی۔ پھر آپ چار رکعت ادا کرتے جن کے درمیان سابقہ طریقے کے مطابق فصل کرتے ۔ پھر آپ انتظار کرتے یہاں تک کہ سورج ڈھل جاتا تو آپ کر چار رکعت نماز ادا کرتے اور ان میں آپ مقرب فرشتوں ‘ انبیاء کرام اور ان کے پیروکار مومنوں اور مسلمانوں پر سلام فصل کرتے۔ اس کے بعد آپ ظہر کی نماز کے بعد دو رکعت (سنت) ادا کرتے ہیں اور اس کی مانندفصل کرتے۔ پھر آپ سے پہلے چاررکعات (سنت) ادا کرتے ہیں اور ان کے درمیان بھی اسی طرح فصل کرتے۔