Sunan Al Daraqutni: Hadith 1905

1905 حضرت عبداللہ بن عباس (رض) بیان کرتے ہیں جب نبی اکرم (صلی اللہ علیہ وآلہ وسلم) نے حضرت معاذ (رض) کو یمن بھیجا تو انھیں یہ حکم دیا کہ وہ ہر تیس گائے میں سے ایک تبیع یا ایک تبیعہ ‘ ایک جذع یا ایک جذعہ وصول کریں اور ہر چالیس گائے میں سے ایک مسنہ وصول کریں ‘ لوگوں نے دریافت کیا گائے کے بچوں کا کیا حکم ہے ؟ تو انھوں نے فرمایا مجھے نبی اکرم (صلی اللہ علیہ وآلہ وسلم) نے اس بارے میں کوئی حکم نہیں دیا ‘ جب میں نبی اکرم (صلی اللہ علیہ وآلہ وسلم) کی خدمت میں جاؤں گا ‘ تو آپ (صلی اللہ علیہ وآلہ وسلم) سے اس بارے میں دریافت کرلوں گا ‘ پھر جب حضرت معاذ (رض) ‘ نبی اکرم (صلی اللہ علیہ وآلہ وسلم) کی خدمت میں حاضر ہوئے ‘ آپ (صلی اللہ علیہ وآلہ وسلم) سے گائے کے بچھڑے کے بارے میں دریافت کیا ‘ تو نبی اکرم (صلی اللہ علیہ وآلہ وسلم) نے فرمایا اس میں کوئی ادائیگی لازم نہیں ہوگی۔
مسعودی نامی راوی بیان کرتے ہیں اوق اس (سے مراد یہ ہے ) جب ان کی تعدادتیس سے کم ہو ‘ جب گائے کی تعداد چالیس سے ساٹھ تک ہو ‘ تو اس میں دو تبیعہ کی ادائیگی لازم ہوگی ‘ جب وہ ستر ہوجائیں گی ‘ تو ایک مسنہ کی ادائیگی اور ایک تبیع کی ادائیگی لازم ہوگی جب وہ اسی ہوجائیں گی ‘ تو اس میں دومسنہ کی ادائیگی لازم ہوگی ‘ جب وہ نوے ہوجائیں گی ‘ تو تین تبیع کی ادائیگی لازم ہوگی۔
مسعودی فرماتے ہیں لفظ اوق اس ’ س ‘ کے ساتھ لکھاجاتا ہے ‘ تم اسے ” ص “ کے ساتھ نہ لکھو۔