Sunan Al Daraqutni: Hadith 1958

1958 حضرت عبداللہ بن عمر (رض) بیان کرتے ہیں ہم نے حضرت عمر (رض) کی تحریر میں یہ بات پائی ہے نبی اکرم (صلی اللہ علیہ وآلہ وسلم) نے اونٹوں کی زکوۃ کے بارے میں یہ فرمایا ہے
پانچ اونٹوں میں ایک بکری کی ادائیگی لازم ہوگی ‘ دس اونٹوں میں دوبکریوں کی ادائیگی لازم ہوگی ‘ پندرہ میں تین بکریوں کی ادائیگی لازم ہوگی ‘ بیس میں چار کی ادائیگی لازم ہوگی ‘ پچیس بکریوں کی ادائیگی لازم ہوگی ‘ پھر جب وہ زیادہ ہوجائیں کے تو ان میں بنت مخاض کی ادائیگی لازم ہوگی ‘ اگر وہ نہ ملے ‘ تو ایک ابن لبون کی ادائیگی لازم ہوگی جو نرہو ‘ ١٣٣ اونٹوں تک یہی لازم ہوگا اگر وہ ایک بھی زیادہ ہوجائے تو ان میں ٤٥ تک ایک بنت لبون کی ادائیگی لازم ہوگی ‘ پھر اگر وہ ایک بھی زیادہ ہوجائے ان میں ایک حقہ کی ادائیگی لازم ہوگی ‘ ساٹھ تک یہی حکم چلے گا ‘ پھر اگر ان میں ایک بھی زیادہ ہوجائے تو ان میں ایک جذعہ کی ادائیگی لازم ہوگی ‘ ٧٥ تک یہی حکم ہے ‘ پھر اگر ان میں ایک بھی زیادہ ہوجائے تو ان میں دوبنت لبون کی ادائیگی لازم ہوگی ‘ یہ حکم اگر ان میں ایک بھی زیادہ ہوجائے تو ان میں دوحقہ کی ادائیگی لازم ہوگی ‘ یہ حکم ١٢٠‘ اونٹوں تک ہے ‘ اگر ان سے ایک بھی زیادہ ہوجائے تو ہر چالیس میں ایک جذعہ کی ادائیگی لازم ہوگی اور ہر پچاس میں ایک حقہ کی ادائیگی لازم ہوگی۔ سلمان بن ارقم نامی راوی نے اسی طرح روایت کیا ہے اور یہ شخص ضعیف الحدیث ہے اور متروک ہے۔