Sunan Al Daraqutni: Hadith 2013

2013 حضرت ابوامامہ (رض) اپنے والد کا یہ بیان نقل کرتے ہیں نبی اکرم (صلی اللہ علیہ وآلہ وسلم) نے زکوۃ کے بارے میں حکم دیاتو ایک شخص کچی کھجوریں لے آیا ‘ نبی اکرم (صلی اللہ علیہ وآلہ وسلم) نے دریافت کیا یہ کون لے کر آیا ہے ؟ (راوی بیان کرتے ہیں ) جو شخص جو بھی چیز لے کر آتا تھا وہ چیز اسی شخص کی طرف منسوب کی جاتی تھی جو اسے لے کر آتا تھا تو اس بارے میں یہ آیت نازل ہوئی ” اور تم اس میں سے گھٹیاچیزکا ارادہ نہ کرو کہ تم اسے خرچ کردو “۔
راوی بیان کرتے ہیں نبی اکرم (صلی اللہ علیہ وآلہ وسلم) نے اس بات سے منع کیا ہے ‘ زکوۃ میں جعرور اور لون المحبیق کو وصول کیا جائے۔ امام زہری بیان کرتے ہیں یہ مدینہ منورہ کی دومخصوص قسم کی کھجوریں ہیں۔ روایت میں یوسف نامی راوی نے ایک لفظ مختلف نقل کیا ہے۔