Sunan Al Daraqutni: Hadith 21

عاصم بن منذر بیان کرتے ہیں : ہم ایک باغ میں موجود تھے۔ راوی کو شک ہے، یہ الفاظ ہیں : وہ ہمارا تھا یا شاید یہ الفاظ ہیں، وہ حضرت عبداللہ بن عبداللہ کا تھا، اسی دوران نماز کا وقت ہوگیا تو عبداللہ اٹھے، اور باغ میں موجود حوض کے پاس گئے اور اس سے وضو کرنا شروع کردیا، حالانکہ اس حوض میں اونٹ کی کھال پڑی ہوئی تھی، میں نے کہا : آپ اس سے وضو کررہے ہیں، اس میں کھال پڑی ہوئی ہے تو انھوں نے بتایا : میرے والد نے نبی اکرم (صلی اللہ علیہ وآلہ وسلم) کے حوالے سے یہ حدیث مجھے سنائی ہے، نبی اکرم (صلی اللہ علیہ وآلہ وسلم) نے ارشاد فرمایا ہے : ” جب پانی دو قلے ہوجائے تو وہ ناپاک نہیں ہوتا “۔