Sunan Al Daraqutni: Hadith 2115

2115 حضرت عبداللہ بن عباس (رض) بیان کرتے ہیں سیدہ بریرہ (رض) کا شوہرغلام تھا ‘ اس کا نام مغیث تھا ‘ وہ منظر بھی میری نگاہ میں ہے وہ شخص اس عورت کے پیچھے روتا ہواجارہا تھا ‘ اس کے آنسواس کی داڑھی پر بہہ رہے تھے ‘ نبی اکرم (صلی اللہ علیہ وآلہ وسلم) نے حضرت عباس (رض) سے فرمایا اے عباس ! کیا آپ کو حیرانگی نہیں ہوتی کہ مغیث ‘ بریرہ سے کتنی محبت کرتا ہے ‘ اور بریرہ ‘ مغیث کو کتنا ناپسند کرتی ہے۔
نبی اکرم (صلی اللہ علیہ وآلہ وسلم) نے اس خاتون سے یہ فرمایا تھا تمہیں اس کے ساتھ شادی برقراررکھنی چاہیے ‘ کیونکہ یہ تمہارے بچوں کا باپ ہے ‘ اس عورت نے عرض کی یارسول اللہ ! آپ مجھے حکم دے رہے ہیں ؟ نبی اکرم (صلی اللہ علیہ وآلہ وسلم) نے فرمایا میں سفارش کررہاہوں تو اس عورت نے عرض کی پھر مجھے اس کے ساتھ تعلق برقراررکھنے کی ضرورت نہیں ہے۔