Sunan Al Daraqutni: Hadith 215

سیدہ کبشہ بنت کعب (رض) بیان کرتی ہیں، جو حضرت ابو قتادہ (رض) کے ایک صاحبزادے کی اہلیہ تھیں، ایک مرتبہ حضرت ابوقتادہ انصاری (رض) گھر میں داخل ہوئے تو اس خاتون نے ان کے لیے وضو کا پانی رکھا۔ اس دوران ایک بلی آئی تاکہ وہ اس میں سے پانی پی لے تو حضرت ابو قتادہ (رض) نے برتن اس کی طرف انڈیل دیا، اس بلی نے پانی پی لیا۔ وہ خاتون بیان کرتی ہیں : جب حضرت ابوقتادہ (رض) نے میری طرف دیکھا کہ میں ان کی طرف بڑے غور سے دیکھ رہی ہوں تو انھوں نے دریافت کیا : اے میری بھتیجی ! کیا تم اس بات پر حیران ہورہی ہو ؟ وہ خاتون بیان کرتی ہیں : میں نے جواب دیا : جی ہاں ! تو حضرت ابوقتادہ (رض) نے یہ فرمایا : نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : یہ (بلی) ناپاک نہیں ہے، بلکہ یہ تمہارے ہاں آنے جانے والے (پالتو) جانوروں میں سے ایک ہے۔