Sunan Al Daraqutni: Hadith 2212

2212 حضرت جابربن عبداللہ (رض) بیان کرتے ہیں نبی اکرم (صلی اللہ علیہ وآلہ وسلم) کے اصحاب میں سے ایک صاحب نے کھاناتیار کیا ‘ انھوں نے نبی اکرم (صلی اللہ علیہ وآلہ وسلم) اور آپ کے ساتھیوں کی دعوت کی ‘ کھانالایا گیا ‘ تو ان لوگوں میں سے ایک صاحب پیچھے ہٹ گئے ‘ نبی اکرم (صلی اللہ علیہ وآلہ وسلم) نے ان سے دریافت کیا تمہیں کیا ہوا ہے ؟ انھوں نے عرض کی میں نے روزہ رکھا ہوا ہے ‘ نبی اکرم (صلی اللہ علیہ وآلہ وسلم) نے ان سے فرمایا تمہارے بھائی نے تمہارے لیے اہتمام کیا ہے اور اسے تیار کیا ہے اور اب تم کہہ رہے ہو میں نے روزہ رکھا ہوا ہے ‘ تم اسے کھالو اور اس روزے کی جگہ پھر کسی دن روزہ رکھ لینا۔