Sunan Al Daraqutni: Hadith 2361

2361 محمد بن حسن اپنے والد (حسن ) کے حوالے سے ‘ ان کے والد (امام زین العابدین (رض)) کے حوالے ان کے دادا (امام حسین (رض)) کے حوالے سے ‘ حضرت علی بن ابوطالب (رض) کا یہ بیان نقل کرتے ہیں ایک شخص نبی اکرم (صلی اللہ علیہ وآلہ وسلم) کی خدمت میں حاضرہوا ‘ اس نے عرض کی یارسول اللہ ! میں ہلاکت کا شکار ہوگیا ‘ نبی اکرم (صلی اللہ علیہ وآلہ وسلم) نے دریافت کیا کس چیز نے تمہیں ہلاکت کا شکار کیا ہے ؟ اس نے عرض کی میں نے رمضان میں (روزے کے وہ اپنی اہلیہ کے ساتھ صحبت کرلی ہے۔ نبی اکرم (صلی اللہ علیہ وآلہ وسلم) نے دریافت کیا کیا تمہارے پاس کوئی غلام یاکنیز ہے ؟ اس عرض کی نہیں ! نبی اکرم (صلی اللہ علیہ وآلہ وسلم) نے فرمایا تم مسلسل دو ماہ روزے رکھو ‘ اس نے عرض کی میں روزے رکھنے کی طاقت رکھتا ‘ نبی اکرم (صلی اللہ علیہ وآلہ وسلم) نے فرمایا تم ساٹھ مسکینوں کو کھانا کھلاؤ ‘ ہر ایک مسکین کو ایک مددو ‘ اس نے عرض کی میں اس کی گنجائش نہیں رکھتا ‘ تو نبی اکرم (صلی اللہ علیہ وآلہ وسلم) نے اس کے لیے یہ ہدایت کی کہ اسے پندرہ صاع دیئے جائیں ‘ نبی اکرم (صلی اللہ علیہ وآلہ وسلم) نے فرمایا تم یہ ساٹھ مسکینوں کو کھلادو ‘ اس نے عرض کی اس ذات کی قسم ! جس نے آپ کو حق کے ہمراہ مبعوث کیا ہے ! پورے شہر میں ہمارے گھروالوں سے زیادہ محتاج اور کوئی نہیں ہے ‘ تو نبی اکرم (صلی اللہ علیہ وآلہ وسلم) نے ارشاد فرمایا تم جاؤا سے تم بھی کھاؤ اور تمہارے گھروالے بھی کھائیں ‘ اللہ تعالیٰ نے تمہاری طرف سے کفارہ ادا کردیا ہے۔