Sunan Al Daraqutni: Hadith 240

حضرت عبداللہ بن عباس (رض)، حضرت عبداللہ بن مسعود (رض) کا یہ بیان نقل کرتے ہیں : ایک مرتبہ وہ نبی اکرم (صلی اللہ علیہ وآلہ وسلم) کے ساتھ نکلے، یہ وہ رات تھی جب جنات سے ملاقات ہوئی تو نبی اکرم (صلی اللہ علیہ وآلہ وسلم) نے ان سے یہ فرمایا : اے ابن مسعود ! کیا تمہارے پاس پانی ہے ؟ حضرت عبداللہ بن مسعود (رض) نے عرض کی : میرے پاس برتن میں نبیذ موجود ہے۔ نبی اکرم (صلی اللہ علیہ وآلہ وسلم) نے ارشاد فرمایا : وہی مجھ پر بہادو، پھر نبی اکرم (صلی اللہ علیہ وآلہ وسلم) نے اس کے ذریعے وضو کیا اور ارشاد فرمایا : یہ پینے کی چیز بھی ہے اور اس سے پاکی بھی حاصل کی جاسکتی ہے۔
اس روایت کو نقل کرنے میں ابن لہیعہ نامی راوی منفرد ہیں اور یہ ضعیف راوی ہے۔