Sunan Al Daraqutni: Hadith 253

حضرت عبداللہ بن عمر (رض) بیان کرتے ہیں : نبی اکرم (صلی اللہ علیہ وآلہ وسلم) نے وضو کے لیے پانی منگوایا ، آپ نے اس کے ذریعے ایک، ایک مرتبہ وضو کیا اور پھر آپ نے ارشاد فرمایا : یہ وضو کا وہ طریقہ ہے جس کے بغیر اللہ تعالیٰ نماز قبول نہیں کرتا، پھر آپ نے پانی منگوایا اور اس کے ذریعہ دو، دو مرتبہ وضو کیا، پھر ارشاد فرمایا : یہ اس شخص کے وضو کا طریقہ ہے، جسے وضو کرنے پر دوگنا اجر ملے گا، پھر آپ کچھ دیر ٹھہرے رہے، پھر آپ نے پانی منگوایا، پھر تین ، تین مرتبہ وضو کیا، آپ (صلی اللہ علیہ وآلہ وسلم) نے ارشاد فرمایا : یہ میرا اور مجھ سے پہلے انبیاء کے وضو کا طریقہ ہے۔