Sunan Al Daraqutni: Hadith 2538

2538 عطاء اور دیگرراویوں نے نبی اکرم (صلی اللہ علیہ وآلہ وسلم) کے حوالے سے یہ تین باتیں نقل کی ہیں ‘ ایسے شخص کے بارے میں جس نے کنکریاں مارنے سے پہلے سرمنڈوالیا تھا ‘ نبی اکرم (صلی اللہ علیہ وآلہ وسلم) نے ارشاد فرمایا ہے تم اب کنکریاں مارلو کوئی حرج نہیں ہے ‘ منڈوانا بھی رمی کا حصہ ہے اور رمی کرنا بھی سرمنڈوانے کی طرح ہے ایک اور شخص آپ (صلی اللہ علیہ وآلہ وسلم) کی خدمت میں حاضرہوا ‘ اس نے عرض کی میں نے کنکریاں مارنے سے پہلے قربانی کرلی ‘ نبی اکرم (صلی اللہ علیہ وآلہ وسلم) نے ارشاد فرمایا تم اب کنکریاں مارلو ‘ قربانی کرنا کنکریاں مارنے کا حصہ ہے اور کنکریاں مارنا قربانی کرنے کی طرح ہے۔ راوی بیان کرتے ہیں ایک اور شخص نبی اکرم (صلی اللہ علیہ وآلہ وسلم) کی خدمت میں حاضرہوا ‘ اس نے عرض کی میں نے سرمنڈوانے سے پہلے قربانی کرلی ہے ‘ نبی اکرم (صلی اللہ علیہ وآلہ وسلم) نے ارشاد فرمایا تم اب سرمنڈوالو کوئی حرج نہیں ہے ‘ قربانی کرنا سرمنڈوانے کا حصہ ہے اور سرمنڈوانا قربانی کرنے کی طرح ہے۔
یہی روایت بعض دیگر اسناد کے ہمراہ بھی منقول ہے ‘ تاہم ان میں یہ الفاظ ہیں ” حضرت عبداللہ بن عمرو (رض) بیان کرتے ہیں نبی اکرم (صلی اللہ علیہ وآلہ وسلم) قربانی کے دن ہمیں خطبہ دے رہے تھے “۔
اس کے بعد راوی نے حسب سابق حدیث ذکر کی ہے ‘ جس میں یہ الفاظ ہیں ”(اس شخص نے عرض کی ) میں یہ سمجھا تھا ‘ فلاں کام فلاں سے پہلے ہے (راوی نے یہ الفاظ تین کاموں کے بارے میں نقل کیے ہیں) “۔ تو نبی اکرم (صلی اللہ علیہ وآلہ وسلم) نے ارشاد فرمایا ” اس میں کوئی حرج نہیں ہے “۔ (راوی بیان کرتے ہیں ) وہ تین کام ہیں ‘ یعنی کنکریاں مارنے سے پہلے سرمنڈوالینا ۔