Sunan Al Daraqutni: Hadith 2666

2666 ۔ حضرت علی (رض) بیان کرتے ہیں جب یہ آیت نازل ہوئی
'' اور لوگوں پر واجب ہے وہ اللہ کے لیے بیت اللہ کا حج کریں، جو شخص وہاں تک پہنچنے کی سبیل رکھتا ہے ''۔
لوگوں نے عرض کی یارسول اللہ کیا ہر سال حج کرنا فرض ہے ؟ تو نبی کریم (صلی اللہ علیہ وآلہ وسلم) نے خاموشی اختیار کی لوگوں نے کہا کیا ہر سال فرض ہے ؟ نبی کریم (صلی اللہ علیہ وآلہ وسلم) نے کہا نہیں اگر میں ہاں کردیتا تو یہ لازم ہوجاتا۔ پھر اللہ نے یہ آیت نازل کی ۔
'' اے ایمان والو ! تم ایسی چیزیں دریافت نہ کرو جو اگر تم پر ظاہر کی جائیں تو تمہیں برا لگے ''
ایک روایت میں یہ الفاظ ہیں لوگوں نے عرض کیا کیا ہر سال ؟ تو نبی کریم (صلی اللہ علیہ وآلہ وسلم) خاموش رہے پھر لوگوں نے عرض کی کیا ہر سال ؟ تو نبی کریم (صلی اللہ علیہ وآلہ وسلم) نے فرمایا اس کے بعد حسب سابق حدیث ہے۔