Sunan Al Daraqutni: Hadith 2696

2696 ۔ سعید بن مسیب بیان کرتے ہیں حضرت عثمان غنی (رض) حج کے لیے گئے راستے میں حضرت علی بن ابوطالب (رض) کو یہ بات بتائی گئی کہ حضرت عثمان نے اپنے ساتھیوں کو عمرے کو حج کے ساتھ ملانے سے یعنی حج تمتع کرنے سے منع کردیا ہے تو حضرت علی نے اپنے ساتھیوں سے کہا، جب حضرت عثمان روانہ ہوں گے تو تم بھی روانہ ہوجانا۔
راوی بیان کرتے ہیں پھر حضرت علی (رض) اور ان کے ساتھیوں نے عمرے کا احرام باندھاتوحضرت عثمان نے ان حضرات کو کچھ نہیں کہا، حضرت علی (رض) نے حضرت عثمان سے کہا، مجھے آپ کے بارے میں یہ بات بتائی گئی ہے آپ نے اپنے ساتھیوں کو عمرے کو حج کے ساتھ ملانے سے یعنی حج تمتع سے منع کردیا ہے کیا آپ نے نبی کریم (صلی اللہ علیہ وآلہ وسلم) کے بارے میں یہ بات نہیں سنی کہ آپ (صلی اللہ علیہ وآلہ وسلم) نے حج تمتع کیا ہے ؟ تو حضرت عثمان نے جواب دیا جی ہاں۔
سعید بیان کرتے ہیں مجھے نہیں معلوم کہ حضرت عثمان نے انھیں کیا جواب دیا۔