Sunan Al Daraqutni: Hadith 2722

2722 ۔ حضرت ابوامامہ (رض) بیان کرتے ہیں میں نے نبی کریم (صلی اللہ علیہ وآلہ وسلم) کوسنا کہ آپ اس وقت اپنی اونٹنی پر سوار حجۃ الوداع کا خطبہ لوگوں کودے رہے تھے آپ (صلی اللہ علیہ وآلہ وسلم) تھوڑا سابلند ہوئے ، پھر آپ نے ارشاد فرمایا، کیا تم نے بات سن لی ہے ، لوگوں سے پیچھے موجود ایک شخص نے کہا نبی کریم (صلی اللہ علیہ وآلہ وسلم) نے کیا فرمایا ہے ، یا آپ کی مراد کیا ہے ؟ تو نبی کریم (صلی اللہ علیہ وآلہ وسلم) نے ارشاد فرمایا ، تم اپنے پروردگار کی فرمان برداری کروپانچ نمازیں ادا کرو، مال کی زکوۃ ادا کرو ، اپنے مخصوص مہینے کے روزے رکھو، اپنے حکمرانوں کی اطاعت کرو اور اپنے پروردگار کی جنت میں داخل ہوجاؤ۔
راوی بیان کرتے ہیں میں نے حضرت ابوامامہ (رض) سے دریافت کیا آپ نے کتناعرصہ پہلے یہ حدیث سنی تھی ؟ انھوں نے جواب دیا میں اس وقت تیس سال کا تھا۔