Sunan Al Daraqutni: Hadith 2738

2738 ۔ حضرت عبداللہ بن عباس (رض) بیان کرتے ہیں ایک شخص حالت احرام میں نبی کریم (صلی اللہ علیہ وآلہ وسلم) کے ساتھ آرہا تھا اور وہ اپنے اونٹ سے گرگیا اس کی گردن کی ہڈی ٹوٹ گئی اور وہ فوت ہوگیا، نبی کریم (صلی اللہ علیہ وآلہ وسلم) نے ارشاد فرمایا ، اسے پانی اور بیری کے پتوں کے ذریعے غسل دو اور اسے اس کے یہی دوکپڑے (یعنی احرام کے دوکپڑے) پہنادو، اس کے سرکوڈھانپنا نہیں کیونکہ یہ قیامت کے دن تلبیہ پڑھتے ہوئے آئے گا۔
ابن جریج نامی راوی بیان کرتے ہیں میں نے اپنے استاد سے دریافت کیا، کیا سعید بن جبیر نے آپ کو یہ بات بتائی تھی ، کہ وہ شخص کون سی جگہ پر گرا تھا ؟ تو انھوں نے جواب دیا جی نہیں !