Sunan Al Daraqutni: Hadith 2772

2772 ۔ شیخ ابو وصی بیان کرتے ہیں ہم ایک جنگی مہم میں شریک تھے اسی دوران ایک شخص آیا اور اس کے ساتھ اس کا گھوڑا بھی تھا ہم میں سے ایک شخص نے کہا کیا تم یہ گھوڑا اس غلام کے عوض میں اسے فروخت کرو گے ، اس نے کہا جی ہاں ! پھر اس نے اس کو فروخت کردیا، پھر وہ رات ہمارے ساتھ رہا تو جب صبح ہوئی تو وہ اپنے گھوڑے کی طرف بڑھا تو ہمارے ساتھی نے اسے کہا تمہارا اس گھوڑے کے ساتھ کیا تعلق ہے کیا تم نے یہ مجھے فروخت نہیں کردیا ہے ، تو وہ شخص بولا مجھے اس سودے کی ضرورت نہیں ہے ، تو ہمارے ساتھی نے کہا اب تمہارا اس کے ساتھ کوئی تعلق نہیں ہے تم اسے مجھے فروخت کرچکے ہو، وہاں موجود لوگوں نے ان دونوں سے کہا یہاں نبی کریم (صلی اللہ علیہ وآلہ وسلم) کے صحابی ابوبردہ موجود ہیں وہ دونوں لوگ ان کے پاس آئے تو حضرت ابوبرزہ نے ان دونوں سے کہا کیا تم اس میں نبی کریم (صلی اللہ علیہ وآلہ وسلم) کے فیصلے سے راضی ہو، ان دونوں نے جواب دیا جی ہاں۔ حضرت ابوہریرہ (رض) نے بتایا کہ نبی کریم (صلی اللہ علیہ وآلہ وسلم) نے یہ بات ارشاد فرمائی ہے سودا کرنے والوں کو سودا ختم کرنے اس وقت تک اختیار ہوتا ہے جب تک وہ ایک دوسرے سے جدا نہیں ہوجاتے اور تم دونوں کے بارے میں یہ سمجھتاہوں کہ تم دونوں ایک دوسرے سے جدا ہوگئے ۔