Sunan Al Daraqutni: Hadith 28

یحییٰ بن عقیل بیان کرتے ہیں : نبی اکرم (صلی اللہ علیہ وآلہ وسلم) نے ارشاد فرمایا ہے : ” جب پانی دو قلے ہوجائے تو وہ نجس نہیں ہوتا اور (اسے استعمال کرنے میں) کوئی حرج نہیں ہے “۔
راوی بیان کرتے ہیں : میں نے اپنے استاد یحییٰ بن عقیل سے دریافت کیا، اس سے مراد ” ہجر “ کے مٹکے ہیں ؟ تو انھوں نے جواب دیا : اس سے مراد ہجر کے مٹکے ہیں، تو میں نے یہ اندازہ لگایا : ایک قلہ، دو ” فرق “ کے برابر ہوتا ہے۔
مجاہد، حضرت ابن عباس (رض) کا یہ بیان نقل کرتے ہیں : ” جب پانی دو قلے یا اس سے زیادہ ہو ، تو کوئی چیز اسے ناپاک نہیں کرتی “۔