Sunan Al Daraqutni: Hadith 2810

2810 ۔ عبدالرحمن بن مطعم بیان کرتے ہیں میرے شراکت دار نے کچھ درہم ادھا رخریدے تو میں نے کہا یہ ٹھیک نہیں ہے تو اس شخص نے کہا میں نے تو یہ بازار میں بیچے ہیں اور کسی شخص نے اس پر اعتراض نہیں کیا۔ راوی کہتے ہیں میں نے اس بارے میں حضرت براء بن عازب سے دریافت کیا تو انھوں نے بیان کیا کہ جب نبی کریم (صلی اللہ علیہ وآلہ وسلم) مدینہ منورہ تشریف لائے تھے تو ہم اس طرح کا سودا کرلیا کرتے تھے تو نبی نے ارشاد فرمایا جو لین دین دست بہ دست ہو اس میں کوئی حرج نہیں جو ادھار کے طور پر ہو وہ ٹھیک نہیں ہوگا۔
تم حضرت زید بن ارقم سے مل کر دریافت کرو، کیونکہ تجارت کے مسائل کے بارے میں وہ ہم سب سے زیادہ واقف ہیں۔ راوی کہتے ہیں جب میں نے ان سے اس بارے میں دریافت کیا تو انھوں نے بھی یہی بات کہی۔