Sunan Al Daraqutni: Hadith 2910

2910 ۔ حضرت زید بن ثابت (رض) بیان کرتے ہیں نبی کریم (صلی اللہ علیہ وآلہ وسلم) کے زمانہ اقدس میں لوگ پھلوں کی خریدو فروخت کیا کرتے تھے جب فصل کاٹنے کا وقت ہوتا تو قرض وصولی کرنے والا آجاتا تو جس نے ادائیگی کرنی ہوتی وہ یہ کہتا تھا اس دفعہ پیداوار کو فلاں آفت لاحق ہوگئی ہے اس میں یہ خرابی آگئی ہے۔ مختلف طرح کی آفات کا تذکرہ کرتے جن کی وجہ سے لوگوں کے درمیان مقدمات ہونے لگے جب یہ مقدمات زیادہ ہوگئے تو نبی کریم نے یہ بات ارشاد فرمائی ہے تم اس وقت تک سودانہ کرو جب تک پھل پک کر تیار نہیں ہوجاتا۔ نبی کریم (صلی اللہ علیہ وآلہ وسلم) نے مشورے کے طور پر یہ بات کی تھی کیونکہ اس بارے میں لوگوں کے درمیان بہت زیادہ اختلاف ہونے لگا تھا۔