Sunan Al Daraqutni: Hadith 2924

2924 ۔ حضرت ابوامامہ باہلی (رض) بیان کرتے ہیں کہ میں نے حجۃ الوداع کے موقع پر اپنے خطبے کے دوران نبی کریم (صلی اللہ علیہ وآلہ وسلم) کو یہ ارشاد فرماتے ہوئے سنا ہے اللہ نے ہر حق دار کا حق مقرر کیا ہے اس لیے وارث کے لیے وصیت نہیں کی جاسکتی ۔ بچہ صاحب فراش کو ملے گا، اور زنا کرنے والے کو محرومی ملے گی۔ اور ان لوگوں کا حساب اللہ کے ذمے ہوگا۔ جو شخص اپنے حقیقی بات کے علاوہ یا اپنے آزاد کرنے والے آقا کے علاوہ کسی اور کی طرف خود کو منسوب کرے توای سے شخص پر اللہ تعالیٰ اس کے فرشتوں اور تمام انسانوں کی طرف سے قیامت کے دن تک لعنت ہوتی رہے گی۔ عورت اپنے شوہر کی اجازت کے بغیر اس کے گھر میں سے کچھ خرچ نہ کرے ، عرض کی گئی یارسول اللہ اناج بھی نہیں ؟ نبی کریم نے فرمایا وہ ہمارا سب سے اہم مال ہے پھر آپ نے ارشاد فرمایا عارضی طور پر استعمال کے لیے کی جانے والی چیز واپس کی جائے گی اور عطیے کے طور پر عارضی استعمال کے لیے جو چیز دی گئی ہو) وہ بھی واپس کی جائے گی ، فرض ادا کیا جائے گا اور نگران شخص تاوان ادا کرنے کا پابند ہوگا۔