Sunan Al Daraqutni: Hadith 2967

2967 ۔ عمرو بن شعیب اپنے والد کا یہ بیان نقل کرتے ہیں ایک شخص حضرت عبداللہ بن عمر (رض) کی خدمت میں حاضر ہوا اور ان سے حالت احرام والے ایسے شخص کے بارے میں دریافت کیا جو اپنی بیوی کے ساتھ صحبت کرلیتا ہے تو انھوں نے حضرت عبداللہ بن عمر کی طرف اشارہ کیا فرمایا تم ان کے پاس جاؤ اور ان سے دریافت کرو۔ شعیب کہتے ہیں وہ حضرت عبداللہ بن عمر کو پہچانتا نہیں تھا تو میں اس شخص کے ساتھ گیا، پھر اس نے عبداللہ بن عمر سے اس بارے میں پوچھا تو انھوں نے جواب دیاتمہاراحج باطل ہوگیا ہے۔ تو اس شخص نے دریافت کیا کیا پھر اب میں بیٹھ جاؤں۔ انھوں نے کہا نہیں تم لوگوں کے ساتھ جاؤ لوگ جو کام کرتے ہیں تم بھی کرو اگلے سال پھر تم آکر حج کرلینا اور قربانی کا جانور ساتھ لے کر آنا۔ وہ شخص واپس حضرت عبداللہ بن عمر کے پاس آیا اور اس بارے میں بتایا تو حضرت عبداللہ نے اس سے فرمایا تم حضرت عباس (رض) کے پاس جاؤ ان سے دریافت کروشعیب کہتے ہیں میں اس شخص کے ساتھ گیا اس نے حضرت عبداللہ بن عباس (رض) سے دریافت کیا تو حضرت عباس نے بھی اسی کی مانند جواب دیا۔ جو حضرت عبداللہ بن عمر (رض) نے اسے جواب دیا تھا، وہ شخص واپس حضرت عبداللہ بن عمرو کے پاس آیا اور انھیں اس بارے میں بتایا جو حضرت عباس نے جواب دیا تھا، پھر اس شخص نے دریافت کیا آپ اس بارے میں کیا کہتے ہیں ؟ تو حضرت عبداللہ بن عمر نے فرمایا میں بھی اسی کی مانند جواب دیتاہوں جو انھوں نے بیان کیا ہے۔