Sunan Al Daraqutni: Hadith 2972

2972 ۔ حضرت مخلد بن خفاف (رض) بیان کرتے ہیں کہ ایک غلام کچھ لوگوں کی مشترکہ ملکیت تھا ان لوگوں نے اسے فروخت کردیا شراکت داروں میں سے ایک شخص غیر موجود تھا، جب وہ آیا تو اس نے اس سودے کو تسلیم کرنے سے انکار کردیا، وہ لوگ اپنا مقدمہ ہشام بن اسماعیل کے پاس آئے تو انھوں نے یہ فیصلہ دیا کہ یہ سودا کالعدم قرار دیا جائے گا اور وہ لوگ اس دن کے ریٹ کے حساب سے سودا کریں گے اور اسے خراج وصول کرلیا جائے گا پھر جو دو سال گزرچکے تھے ان کا خراج ایک ہزار درہم بنا تو اس غلام کے عوض دو غلام فروخت کیے گئے۔
میں عروہ بن زبیر کی خدمت میں حاضر ہوا اور ان کے سامنے اس بات کا تذکرہ کیا تو انھوں نے فرمایا سیدہ عائشہ نے مجھے یہ حدیث سنائی نبی کریم (صلی اللہ علیہ وآلہ وسلم) نے یہ فیصلہ دیا کہ خراج زمان کے حساب سے ہوگا، پھر عروہ ہشام کے پاس تشریف لائے اور انھیں اس بارے میں بتایا اس نے ان دونوں غلاموں کا سودا کالعدم کردیا اور خراج ترک کردیا۔