Sunan Al Daraqutni: Hadith 2978

2978 ۔ نافع بیان کرتے ہیں کہ حضرت عبداللہ بن عمر (رض) نے انھیں یہ بات بتائی کہ ایک انصاری کی زبان میں کچھ لکنت تھی اور اس کے ساتھ سودے میں ہمیشہ گھاٹا ہوجایا کرتا تھا وہ نبی کریم کی خدمت میں حاضڑ ہوا اور آپ سے اس بات کا تذکرہ کیا تو آپ نے ارشاد فرمایا جب تم کوئی چیز فروخت کرو تودومرتبہ یہ کہہ دیا کرو کہ کوئی گھاٹا برداشت نہیں ہوگا۔
حضرت منقر بن عمرو کے بارے میں یہ بات منقول ہے کہ ان کے سر میں چوٹ لگ گئی تھی جس کی وجہ سے ان کی زبان میں اثر پڑا تھا، اور اس کی ذہنی کیفیت بھی کچھ تبدیل ہوگئی تھی وہ تجارت کیا کرتے تھے اور تجارت میں ہمیشہ انھیں خسارہ ہوتا تھا وہ نبی کریم کی خدمت میں حاضر ہوئے اور آپ کے سامنے اس بات کا تذکرہ کیا تو آپ نے فرمایا جب تم کوئی چیز فروخت کرو تو یہ کہہ دیاکرو کہ کوئی گھاٹ نہیں ہوگا، پھر تم جس سامان کو خریدتے ہو اس کے بارے میں تم تین دن تک اختیار رکھو گے اگر تین دن کے بعد تم راضی ہوئے تو اسے اپنے پاس رکھنا اور اگر پسند نہ ہوا تو اس کے مالک کو واپس کردینا۔
ان صحابی کی عمر بڑی طویل ہوئی وہ ایک سوتیس سال تک زندہ رہے تھے۔ حضرت عثمان (رض) کے زمانے میں جب لوگ ہر طرف پھیل گئے تھے اور لوگوں کی تعداد میں بھی اضافہ ہوگیا تھا اور بازار میں خوب سودا ہوا کرتا تھا اس وقت وہ بازار میں خریدو فروخت کیا کرتے تھے ۔