Sunan Al Daraqutni: Hadith 3080

3080 ۔ حضرت جابر (رض) بیان کرتے ہیں : ایک شخص نے دوسرے شخص کے گھٹنے میں تیرمارا، وہ شخص نبی کریم (صلی اللہ علیہ وآلہ وسلم) کی خدمت میں حاضر ہواتا کہ قصاص (لینے کا مقدمہ) پیش کرے تو اس سے کہا گیا کہ تم پہلے ٹھیک ہوجاؤ، اس نے یہ بات نہیں مانی، اور جلدبازی کا مظاہرہ کرتے ہوئے قصاص لے لیا۔ تو اس کی ٹانگ ٹھیک نہیں ہوئی، لیکن جس شخص سے قصاص لیا گیا تھا اس کی ٹانگ ٹھیک ہوگئی۔ (قصاص لینے والا) نبی کریم (صلی اللہ علیہ وآلہ وسلم) کی خدمت میں حاضڑ ہوا تو نبی کریم نے اس سے فرمایا، تمہیں کچھ نہیں ملے گا، تم نے نافرمانی کی تھی۔
شیخ ابواحمد بن عبدوس نامی راوی فرماتے ہیں : یہ روایت صرف ابوبکر و عثمان (یہ دونوں ابوشیبہ کے صاحبزادے ہیں) نے نقل کی ہے۔ شیخ فرماتے ہیں : ابوشیبہ کے دونوں صاحبزادے نے اسے نقل کرنے میں غلطی کی ہے۔
امام احمد بن حنبل اور دوسرے محدثین نے ، ابن علیہ کے حوالے سے ، ایوب کے حوالے سے ، عمرو (بن دینار) سے اس روایت کو مرسل ، حدیث کے طور پر نقل کیا ہے ۔
عمرو بن دینار کے شاگردوں نے اسے ان کے حوالے سے اسی طرح نقل کیا ہے ، اور اس روایت کا، مرسل، ہونا محفوظ ہے۔