Sunan Al Daraqutni: Hadith 3117

3117 ۔ حضرت سہل بن سعد (رض) بیان کرتے ہیں : نبی کریم (صلی اللہ علیہ وآلہ وسلم) کے زمانہ اقدس میں ایک لڑکی زنا کے نتیجے میں حاملہ ہوگئی، اس سے پوچھا گیا تمہیں کس نے حاملہ کیا ہے ؟ اس نے بتایا : مجھے المقعد (نامی صاحب) نے حاملہ کیا ہے ، ان صاحب سے اس بارے میں دریافت کیا گیا تو انھوں نے اپنے جرم کا اعتراف کیا، نبی کریم (صلی اللہ علیہ وآلہ وسلم) نے فرمایا : یہ کوڑے برداشت نہیں کرسکے گا، تو نبی کریم (صلی اللہ علیہ وآلہ وسلم) کے حکم کے تحت 100 ٹہنیاں لے کر ان کے ذریعہ اس شخص کو ایک ہی ضرب لگائی گئی۔
راوی نے اسی طرح بیان کیا ہے ، لیکن درست یہ ہے یہ ابوحازم کے حوالے سے ، حضرت ابوامامہ بن سہل (رض) کے حوالے سے نبی کریم (صلی اللہ علیہ وآلہ وسلم) سے منقول ہے۔