Sunan Al Daraqutni: Hadith 3302

3302 ۔ حضرت انس بن مالک (رض) بیان کرتے ہیں : ایک یہودی نے ایک لڑکی کو اس کے زیورات چھین کر قتل کردیا، اس یہودی نے اس لڑکی کو پتھر مار کر قتل کیا جب اس لڑکی کو نبی کریم کے پاس لایا گیا تو اس میں زندگی کی رمق موجود تھی نبی کریم (صلی اللہ علیہ وآلہ وسلم) نے اس سے فرمایا کیا تمہیں فلاں نے قتل کیا ہے ؟ اس نے جواب میں سر کے اشارے سے کہا، نہیں نبی کریم (صلی اللہ علیہ وآلہ وسلم) نے پھر اس سے دریافت کیا کیا تمہیں فلاں نے قتل کیا ہے اس نے جواب میں سر کے اشارے کے ذریعہ کہا نہیں نبی کریم (صلی اللہ علیہ وآلہ وسلم) نے پھر تیسری مرتبہ اس سے دریافت کیا کیا تمہیں فلاں نے قتل کیا ہے ؟ تو اس نے سر کے شارے سے جواب دیا جی ہاں۔ تو نبی کریم نے اس یہودی کا سر دوپتھروں کے درمیان رکھوا کر درمیان میں یعنی کچل کرا سے قتل کروادیا۔