Sunan Al Daraqutni: Hadith 3453

3454 ۔ حضرت عبادہ بن صامت (رض) بیان کرتے ہیں : میں نے اپنے چند ساتھیوں سمیت نبی کریم (صلی اللہ علیہ وآلہ وسلم) کی بیعیت کی ، آپ (صلی اللہ علیہ وآلہ وسلم) نے فرمایا : میں اس بات پر تم سے بیعت لیتاہوں تم کسی کو اللہ کا شریک قرار نہیں دو گے تم چوری نہیں کرو گے تم زنا نہیں کرو گے ، تم اپنی اولاد کو قتل نہیں کرو گے ، تم کسی پر زنا کا جھوٹا الزام نہیں لگاو گے تم بھلائی کے کام میں نافرمانی نہیں کرو گے ، تم میں سے جو شخص عہد کرے گا پورا کرے گا، اس کا اجر اللہ کے ذمہ ہوگا، اور جو شخص ان میں سے کسی ایک جرم کا ارتکاب کرلے یعنی اس پر اس کی حد بھی جاری ہوجائے تو یہ اس کے لیے پاکی کا باعث بنے گی اور جس شخص کی اللہ پردہ پوشی کرلے تو اس کا معاملہ اللہ کے سپرد ہوگا، اگر وہ چاہے تو (آخرت میں) اسے عذاب دے گا اور اگر چاہے گا تو اس کی مغفرت کردے گا۔