Sunan Al Daraqutni: Hadith 3511

3512 ۔ حضرت عبداللہ بن عباس (رض) بیان کرتے ہیں : ایک لڑکی کے والد نے اس کی شادی کردی، اس لڑکی کو (یہ رشتہ) پسند نہیں تھا، تو نبی کریم نے اس لڑکی کو (نکاح برقرار رکھنے یاکالعدم کرنے) کا اختیار دیا۔
ابوخراسان نامی راوی نے یہ بات نقل کی ہے ، ایک لڑکی نبی کی خدمت میں حاضر ہوئی اور اس بات کا تذکرہ کیا، اس کے والد نے اس کی اجازت کے بغیر اس کی شادی کردی ہے ، تو نبی کریم نے ان دونوں میاں بیوی کے درمیان علیحدگی کروادی۔
یہی روایت ایک اور سند کے حوالے سے عکرمہ کے حوالے سے ، حضرت ابن عباس (رض) سے منقول ہے جبکہ دیگر راویوں نے اسے عکرمہ کے حوالے سے ، نبی کریم (صلی اللہ علیہ وآلہ وسلم) سے مرسل روایت کے طور پر نقل کیا ہے اور درست یہی ہے کہ یہ مرسل ہے۔