Sunan Al Daraqutni: Hadith 3610

3611 ۔ عروہ بن زبیر بیان کرتے ہیں : انھوں نے سیدہ عائشہ (رض) سے اللہ کے اس فرمان کے بارے میں دریافت کیا : اور اگر تمہیں اس بات کا اندیشہ ہو کہ تم یتیم لڑکیوں کے بارے میں انصاف سے کام نہیں لے سکو گے تو تمہیں جو خواتین پسند ہیں دویاتین یا چار، ان کے ساتھ چادی کرلو۔ ''
سیدہ عائشہ صدیقہ (رض) نے فرمایا : اے میرے بھتیجے ، اس سے مراد وہ یتیم لڑکی ہے جو کسی شخص کی زیر پرورش ہوتی تھی وہ لڑکی اس کے مال میں اس کی شریک ہوتی تھی، تو اس شخص کو اس لڑکی کے مال اور خوبصورتی میں دل چسپی ہوتی تو ولی اس لڑکی کے ساتھ شادی کرنا چاہتا تھا، تاکہ اسے مہر کے طور پر انصاف کے مطابق ادائیگی نہ کرنا پڑے۔ وہ (انصاف کے مطابق یعنی عام رواج سے کم) مہر ادا کرتا۔ تو لوگوں کو اس بات سے منع کردیا گیا کہ وہ اس طرح ان لڑکیوں کے ساتھ شادی کریں یاپھریہ ہے کہ وہ انصاف سے (یعنی عام رواج کے مطابق) انھیں مہراد اکریں ان لوگوں کو یہ حکم دیا گیا کہ وہ دوسری خواتین کے ساتھ شادی کرلیں۔
سیدہ عائشہ صدیقہ (رض) نے فرمایا : دوسری آیت میں اللہ تعالیٰ نے ارشاد فرمایا ہے :
'' اور تم ان کے ساتھ شادی کرنے میں دل چسپی نہیں لیتے '
یعنی کوئی شخص ایسی یتیم لڑکی کے ساتھ شادی کرنے میں دل چسپی نہیں لیتا جو اس کے زیر پرورش ہوتی ہے جس کا مال اور خوبصورتی کم ہوتے ہیں تو لوگوں کو ان یتیم لڑکیوں کے ساتھ شادی کرنے سے منع کردیا گیا جن کے مال اور خوبصورتی میں لوگوں کو دل چسپی ہوتی ہے (کیونکہ دوسری صورت میں) ان کی دل چسپی ختم ہوجاتی ہے ، البتہ اگر وہ انصاف کے مطابق انھیں مہرادا کریں تو (حکم مختلف ہوگا) ۔