Sunan Al Daraqutni: Hadith 364

ایوب بن عبداللہ بیان کرتے ہیں : میں نے حسن بن ابوالحسن کو دیکھا، انھوں نے وضو کے لیے پانی منگوایا تو ان کے لیے پانی کا ایک بڑا برتن لایا گیا، پھر وہ پانی پیالے میں ڈال دیا گیا، انھوں نے سب سے پہلے دونوں ہاتھ تین مرتبہ دھوئے، پھر تین مرتبہ کلی کی، پھر تین مرتبہ ناک میں پانی ڈالا، پھر تین مرتبہ اپنے چہرے کو دھویا، پھر دونوں بازؤ وں کو کہنیوں تک تین مرتبہ دھویا، پھر اپنے سر کا مسح کیا، پھر دونوں کانوں کا مسح کیا اور اپنی داڑھی کا خلال کیا، پھر اپنے دونوں پاؤں ٹخنوں تک دھو لیے، پھر یہ بات بیان کی : حضرت انس بن مالک (رض) نے مجھے یہ حدیث سنائی ہے، نبی اکرم (صلی اللہ علیہ وآلہ وسلم) کے وضو کا طریقہ یہ ہے۔