Sunan Al Daraqutni: Hadith 4166

4166 ۔ بشربن سعید بیان کرتے ہیں کہ خوات بن جبیرنے یہ بات نقل کی ہے : ایک شخص نے انھیں کوئی وصیت کی ‘ اس شخص نے اپنے پس ماندگان میں ایک ام ولد ‘ اور ایک آزاد بیوی چھوڑی تھی ‘ اس عورت اور ام ولد کے درمیان اختلاف ہوگیا تو اس آزاد عورت نے اس ام ولد کو پیغام بھیجا : تم عنقریب فروخت کردی جاؤگی ‘ اے نالائق لڑکی۔ حضرت خوات بن جبیر (رض) نے یہ معاملہ نبی اکرم (صلی اللہ علیہ وآلہ وسلم) کے سامنے پیش کیا تو آپ (صلی اللہ علیہ وآلہ وسلم) نے ارشاد فرمایا : اسے فروخت نہیں کیا جاسکتا ‘ نبی اکرم (صلی اللہ علیہ وآلہ وسلم) کے حکم تحت اسے آزاد قراردے دیا گیا۔