Sunan Al Daraqutni: Hadith 4289

4289 ۔ حضرت عقبہ بن حارث بیان کرتے ہیں : میں نے ایک خاتون کے ساتھ شادی کرلی ‘ ایک سیاہ فام عورت ہمارے پاس آئی اور بولی : میں نے تم دونوں کو دودھ پلایا ہے۔ (راوی کہتے ہیں :) میں نبی اکرم (صلی اللہ علیہ وآلہ وسلم) کی خدمت میں حاضرہوا ‘ میں نے عرض کی : میں نے فلاں کی صاحبزادی ‘ فلاں لڑکی سے شادی کی ہے ‘ تو ایک سیاہ فام عورت ہمارے پاس آئی اور اس نے کہا کہ میں نے تم دونوں کو دودھ پلایا ہے ‘ وہ عورت جھوٹ بولتی ہے ‘ تو نبی اکرم (صلی اللہ علیہ وآلہ وسلم) نے مجھ سے منہ پھیرلیا ‘ میں دوسری طرف سے آپ کے سامنے آیا تو میں نے عرض کی : وہ جھوٹ بولتی ہے۔ نبی اکرم (صلی اللہ علیہ وآلہ وسلم) نے ارشاد فرمایا : اب کیا ہوسکتا ہے ؟ جبکہ اس نے یہ بات بیان کردی ہے کہ اس نے تم دونوں کو دودھ پلایا ہے ‘ تم اس عورت کو (یعنی اپنی بیوی کو) اپنے سے الگ کردو۔