Sunan Al Daraqutni: Hadith 4512

4512 ۔ سیدہ عائشہ صدیقہ (رض) بیان کرتی ہیں کہ قتیبہ بن ابی وقاص نے اپنے بھائی زید بن ابی وقاص سے عہدلیا کہ زمعہ کو کنیزکابیٹا مجھ سے ہے ‘ تم اسے اپنے قبضے میں لے لینا۔ سیدہ عائشہ (رض) بیان کرتی ہیں : فتح مکہ کے موقع پر حضرت سعد نے اسے حاصل کرلیا اور بولے : یہ میرا بھتیجا ہے جس کے بارے میں میرے بھائی نے مجھ سے عہدلیا تھا اور عبدبن زمعہ ان کے سامنے کھڑے ہوئے اور بولے : یہ میرا بھائی ہے ‘ یہ میرے والد کی کنیز کا بیٹا ہے جو میرے والد کے بستر پر پیدا ہوا ہے۔ یہ دونوں اپنا مقدمہ لے کر نبی اکرم (صلی اللہ علیہ وآلہ وسلم) کی خدمت میں حاضر ہوئے ‘ حضرت سعد نے عرض کی : یارسول اللہ ! یہ میرا بھتیجا ہے جس کے بارے میں میرے بھائی نے مجھ سے عہدلیا تھا۔ عبدبن زمعہ نے کہا : یہ میرا بھائی ہے ‘ میرے والد کی کنیزکا بیٹا ہے ‘ جو میرے والد کے فراش پر پیدا ہوا ہے۔ نبی اکرم (صلی اللہ علیہ وآلہ وسلم) نے ارشاد فرمایا : اے عبدبن زمعہ ! یہ تمہیں ملے گا ‘ پھر نبی اکرم (صلی اللہ علیہ وآلہ وسلم) نے ارشاد فرمایا : بچہ اس کا سمجھاجائے گا جس کافر اش ہو اور زنا کرنے والے کو محرومی ملے گی ‘ پھر نبی اکرم (صلی اللہ علیہ وآلہ وسلم) نے سیدہ سودہ بنت زمعہ (رض) سے فرمایا : تم اس سے پردہ کرلو۔
اس کی وجہ یہ تھی کہ نبی اکرم (صلی اللہ علیہ وآلہ وسلم) اس کی عتبہ کے ساتھ مشابہت ملاحظہ کرلی تھی۔
سیدہ عائشہ (رض) بیان کرتی ہیں : اس لڑکے نے مرتے دم تک کبھی سیدہ سودہ (رض) کو نہیں دیکھا۔