Sunan Al Daraqutni: Hadith 4679

4679 ۔ عاصم بن کلیب اپنے والد کے حوالے سے مزینہ قبیلے کے ایک صاحب کا یہ بیان نقل کرتے ہیں ہیں : قریش سے تعلق رکھنے والی ایک خاتون نے نبی اکرم (صلی اللہ علیہ وآلہ وسلم) کے لیے کھاناتیار کیا ‘ آپ کو اور آپ کے اصحاب کو دعوت دی ‘ میرے والد بھی نبی اکرم (صلی اللہ علیہ وآلہ وسلم) کے ہمراہ مجھے بھی ساتھ لے کر چلے گئے ‘ ہم لوگ اپنے ‘ اپنے والد کے سامنے اسی طرح بیٹھ گئے جیسے بچے اپنے والد کے سامنے بیٹھتے ہیں ‘ لوگوں نے اس وقت تک کھانا نہیں شروع کیا جب تک انھوں نے یہ نہیں دیکھ لیا کہ نبی اکرم (صلی اللہ علیہ وآلہ وسلم) کھانا شروع کرچکے ہیں۔ جب نبی اکرم (صلی اللہ علیہ وآلہ وسلم) نے ایک لقمہ لیاتو پھر آپ نے اس کو اس کو پرے رکھ دیا اور ارشاد فرمایا : مجھے اس بکری کے گوشت میں ایساذائقہ محسوس ہوا ہے جیسے یہ اپنے مالک کی اجازت کے بغیر ذبح کی گئی ہے۔ اس خاتون نے عرض کی : یارسول اللہ ! یہ میرے بھائی کی ہے اور میرا بھائی مجھ سے سب سے زیادہ محبت کرتا ہے ‘ اگر اس سے زیادہ بہتربکری موجود ہوتی تو اسے بھی ذبح کرنا ہمارے لیے دشوار نہ ہوتا ‘ اب مجھ پر یہ بات لازم ہے کہ میں اس سے بہتربکری اسے دے کرا سے راضی کرلوں گی۔ لیکن نبی اکرم (صلی اللہ علیہ وآلہ وسلم) نے اسے کھانے سے انکار کردیا اور آپ کے حکم کے حکم تحت وہ کھانا قیدیوں کو کھلادیا گیا۔