Sunan Al Daraqutni: Hadith 4709

4709 ۔ امام محمد بن حسن شیبانی ‘ امام ابوحنیفہ کے حوالے سے عبدالرحمن بن لیلیٰ کا یہ بیان نقل کرتے ہیں : میں حضرت حذیفہ (رض) کے ساتھ ایک کسان کے پاس گیا ‘ وہ ہمارے پاس کھانالے کر آیا ‘ ہم نے اسے کھالیا ‘ پھر حضرت حذیفہ نے پانی منگوایاتو وہ شخص چاندی کے برتن میں ان کے پاس مشروب لے کر آیا ‘ حضرت حذیفہ (رض) نے وہ برتن پکڑا اور وہ اس کے منہ پر ماردیا ‘ انھیں اس کی یہ حرکت بری لگی۔ پھر حضرت حذیفہ (رض) نے بتایا : ہم گزشتہ سال بھی اس کے ہاں آئے تھے تو یہ اسی برتن میں میرے پاس مشروب لے کر آیا تھا ‘ میں نے اسے بتایا تھا کہ نبی اکرم (صلی اللہ علیہ وآلہ وسلم) نے اس بات سے منع کیا ہے کہ ہم سونے یا چاندی کے برتنوں میں کچھ کھائیں یا ان میں کچھ پئیں یا ہم ریشمی لباس یادیباج کالباس پہنیں۔ (نبی اکرم (صلی اللہ علیہ وآلہ وسلم) نے فرمایا تھا :)
” یہ دونوں چیزیں دنیا میں مشرکین کے لیے ہیں ‘ البتہ آخرت میں یہ ہمارے لیے ہوں گی “۔