Sunan Al Daraqutni: Hadith 561

ابن جریج اپنے والد کا یہ بیان نقل کرتے ہیں : نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : جب کسی شخص کو نماز کے دوران قے آجائے یا کھٹا ڈکار آجائے، یا ہوا خارج ہو، تو وہ واپس جائے، وضو کرے اور واپس آکر اپنی نماز کو وہیں سے پڑھنا شروع کردے (جہاں سے چھوڑ کر گیا تھا) ، یہ اس وقت ہے جب اس نے کوئی کلام نہ کیا ہو۔
ابوبکر نامی راوی نے یہ بات بیان کی ہے : اس کا ابن جریج سے ” مرسل “ روایت کے طور پر منقول ہونا درست ہے۔ تاہم ایک راوی اسماعیل بن عیاش نے اسے ابن جریج کے حوالے سے، ابن ابی ملیکہ کے حوالے سے سیدہ عائشہ (رض) سے نقل کیا ہے، اس کی کوئی حقیقت نہیں ہے۔