Sunan Al Daraqutni: Hadith 59

زید بن اسلم اپنے والد کا یہ بیان نقل کرتے ہیں : جب ہم لوگ شام میں تھے تو میں حضرت عمر بن خطاب (رض) کی خدمت میں پانی لے کر آیا، انھوں نے اس پانی سے وضو کرلیا اور پھر دریافت کیا : تم یہ پانی کہاں سے لے کر آئے ہو ؟ میں نے اس سے زیادہ میٹھا اور اس سے زیادہ صاف کوئی آسمانی پانی بھی نہیں دیکھا۔ راوی بیان کرتے ہیں : میں نے عرض کی : میں اسے ایک بوڑھی عیسائی عورت کے گھر سے لے کر آیا ہوں، جب حضرت عمر (رض) نے وضو کرلیا تو آپ اس خاتون کے پاس تشریف لائے، آپ نے ارشاد فرمایا : اے بوڑھی خاتون ! تم اسلام قبول کرلو، سلامت رہوگی، اللہ تعالیٰ نے حضرت محمد (صلی اللہ علیہ وآلہ وسلم) کو حق کے ہمراہ مبعوث کیا ہے۔
راوی بیان کرتے ہیں : اس خاتون نے اپنے سر سے چادر ہٹائی تو اس کے بال ثغامہ (پھولوں کی طرح سفید) تھے، وہ بوڑھی عورت بولی : اب تو میں مرنے والی ہوں، تو حضرت عمر (رض) نے فرمایا : اے اللہ ! تو گواہ رہنا !