Sunan Al Daraqutni: Hadith 690

690 ۔ حضرت عمار بن یاسر (رض) بیان کرتے ہیں ایک مرتبہ وہ سفر کے دوران جنبی ہوگئے تو مٹی میں لوٹ پوٹ ہوگئے ، جب نبی کریم (صلی اللہ علیہ وآلہ وسلم) کی خدمت میں حاضر ہوئے آپ کو اس بارے میں بتایا، آپ (صلی اللہ علیہ وآلہ وسلم) نے ارشاد فرمایا، اے عمار تمہارے لیے اتناہی کافی ہوتا کہ تم اپنے دونوں ہاتھوں کو مٹی پر مارتے پھر ان پر پھونک مارتے پھر ان دونوں کے ذریعے اپنے چہرے اور کلائیوں تک اپنے دونوں ہاتھوں کا مسح کرلیتے۔
اس روایت کو مرفوع روایت کے طور پر ابراہیم نامی راوی نے نقل کیا ہے ، جبکہ دیگر راویوں نے اس کو موقوف روایت کے طور پر نقل کیا ہے اور اس کے راوی ابومالک کا حضرت عمار سے احادیث کا سماع محل نظر ہے کیونکہ دیگرراویوں نے اس ابومالک کے حوالے سے ابن ابزی کے حوالے سے حضرت عمار (رض) سے نقل کیا ہے۔