Sunan Al Daraqutni: Hadith 716

716 ۔ حضرت ابوسعید خدری (رض) بیان کرتے ہیں ایک مرتبہ دو آدمی سفر پر روانہ ہوئے ان دونوں کے سامنے نماز کا وقت آگیا ان کے پاس پانی نہیں تھا، ان دونوں نے پاک مٹی کے ذریعے تیمم کیا پھر اس نماز کے وقت کے دوران ان دونوں کو پانی مل گیا ان دونوں میں سے ایک شخص نے وضو کرکے دوبارہ نماز ادا کی ، جب کہ دوسرے شخص نے دوبارہ نماز ادا نہ کی پھر یہ دونوں نبی کریم (صلی اللہ علیہ وآلہ وسلم) کی خدمت میں حاضر ہوئے اور آپ کے سامنے اس بات کا تذکرہ کیا تو نبی کریم (صلی اللہ علیہ وآلہ وسلم) نے اس شخص جس نے نماز کا اعادہ نہیں کیا تھا، یہ فرمایا تم نے ٹھیک کہا ہے ، تمہاری نماز درست ہوئی ہے جس دوسرے شخص نے وضو کرکے دوبارہ نماز پڑھی تھی اس سے یہ فرمایا تمہیں دوگنا اجر ملے گا۔
اس روایت کو لیث نامی راوی کے حوالے سے نقل کرنے میں ، عبداللہ بن نافع نامی راوی منفر ہے۔ ابن مبارک اور دیگر محدثین نے اس کے برعکس روایت نقل کی ہے۔