Sunan Al Daraqutni: Hadith 722

772 ۔ عطاء بن ابی رباح بیان کرتے ہیں انھوں نے حضرت عبداللہ بن عباس کو یہ بیان کرتے ہوئے سنا ہے نبی کریم (صلی اللہ علیہ وآلہ وسلم) کے زمانہ اقدس میں ایک شخص زخمی ہوگیا پھر اسے احتلام ہوگیا تو اسے غسل کرنے کے لیے کہا گیا اس نے غسل کیا تو اس کا انتقال ہوگیا جب اس بات کی اطلاع نبی کریم (صلی اللہ علیہ وآلہ وسلم) کو دی گئی تو آپ نے ارشاد فرمایا ان لوگوں نے اسے مار دیا ہے اللہ تعالیٰ ان لوگوں کو برباد کرے بیمار شخص کی شفا سوال کرنے میں نہیں ہے ؟۔
عطاء نامی راوی بیان کرتے ہیں ہمیں اس بات کا پتا چلا ہے نبی کریم (صلی اللہ علیہ وآلہ وسلم) سے دریافت کیا گیا ، تو نبی کریم (صلی اللہ علیہ وآلہ وسلم) نے ارشاد فرمایا اگر وہ شخص اپنے جسم کو دھو لیتا اور اپنے سر کے اس حصے کو چھوڑ دیتا جہاں زخم لگا ہوا تھا (تو یہ درست ہوتا) ۔