Sunan Al Daraqutni: Hadith 873

873 ۔ حضرت انس (رض) بیان کرتے ہیں : ایک شخص نے نبی کریم (صلی اللہ علیہ وآلہ وسلم) سے دریافت کیا اللہ نے اپنے بندوں پر کتنی نمازیں فرض کی ہیں ؟ نبی کریم (صلی اللہ علیہ وآلہ وسلم) نے ارشاد فرمایا : پانچ نمازیں اس نے دریافت کیا : کیا اس سے پہلے اور ان کے بعد بھی کوئی فرض کی ہے ؟ نبی کریم (صلی اللہ علیہ وآلہ وسلم) نے ارشاد فرمایا : اللہ تعالیٰ نے اپنے بندوں پر پانچ نمازیں فرض کی ہیں تو اس شخص نے اللہ کے نام کی قسم اٹھائی کہ وہ ان پر کوئی اضافہ نہیں کرے گا، اور ان میں کوئی کمی نہیں کرے گا، تو نبی کریم (صلی اللہ علیہ وآلہ وسلم) نے ارشاد فرمایا : اگر یہ ٹھیک کہہ رہا ہے تو یہ جنت میں جائے گا۔