Sunan Al Daraqutni: Hadith 880

880 ۔ حضرت ابوہریرہ (رض) بیان کرتے ہیں : نبی کریم (صلی اللہ علیہ وآلہ وسلم) نے یہ بات ارشاد فرمائی ہے : مجھے اس بات کا حکم دیا گیا ہے : میں لوگوں کے ساتھ جنگ کروں ، اس وقت تک جب وہ یہ گواہی نہ دیں کہ اللہ تعالیٰ کے علاوہ کوئی معبود نہیں ہے حضرت محمد (صلی اللہ علیہ وآلہ وسلم) اللہ کے رسول ہیں اور وہ نماز قائم کریں اور زکوۃ دیں ، تو پھر ان کے خون اور مال مجھ پر حرام ہوجائیں ان کا حساب اللہ کے ذمے ہوگا۔
یہی روایت ایک اور سند کے ہمراہ حضرت ابوہریرہ (رض) کے حوالے سے نبی کریم (صلی اللہ علیہ وآلہ وسلم) سے منقول ہے جبکہ ایک سند کے ہمراہ حضرت انس (رض) کے حوالے سے حضرت ابوبکر (رض) کے حوالے سے نبی کریم (صلی اللہ علیہ وآلہ وسلم) سے اسی طرح منقول ہے۔